Belgiyalik Paralimpiya o‘yinlari chempioni Marika Vervut Rio-de-Janeyroda bo‘lib o‘tadigan 2016-yilgi o‘yinlardan so‘ng evtanaziyani amalga oshirish istagi haqida ma’lum qildi, deb yozadi TJournal.
Vervutning oyoqlari falaj bo‘lgani tufayli, u Paralimpiya o‘yinlarida aravadagi poygalarda ishtirok etgan. Ammo 36 yoshida u sportdagi karyerasini, shu bilan birga, hayotini ham davom ettira olmasligini aytdi.
“Sport — hayotimning yagona mazmuni. Kasallik bilan kurashish va mashq qilish men uchun juda qiyin, 2016-yilgi o‘yinlar mening so‘nggi orzuyimdir”, — dedi sportchi.
Vervutning vatani Belgiyada evtanaziya qonuniy hisoblanadi — buning uchun uch nafar shifokordan rozilik olish zarur.
Izoh (0)