Myunxendagi savdo markazida otishma: fotoreportaj

22-iyul, juma kuni Germaniyaning Myunxen shahridagi Olympia-Einkaufszentrum savdo markazida otishma sodir bo‘ldi. Politsiya qurbonlar borligini tasdiqladi.

Dastavval ayrim axborot kanallari otishmada 15 kishi halok bo‘lganini, boshqalari esa bir kishi halok bo‘lib, o‘n kishi yaralanganini xabar qilgan, ammo politsiya bu ma’lumotlarni tasdiqlamagan edi.

Guvohlar voqea joyida olingan foto va videolarni ijtimoiy tarmoqlarga joylab bormoqda.

Ayni paytda politsiya maxsus operatsiya o‘tkazmoqda, uning tafsilotlari oshkor qilinmayapti. Mahalliy televideniyening ma’lum qilishicha, jinoyatchi haligacha bino ichida bo‘lishi mumkin.

“Gazeta.ru” voqea joyidan fotoreportaj tayyorladi.