“Manchester Yunayted” klubi bosh murabbiyi Joze Mourinyoning rafiqasi o‘zi bilmagan holda turmush o‘rtog‘ining yangi mavsum uchun rejalarini oshkor qilib qo‘ydi. Bu haqda “Sports.ru” Matildaning Twitter sahifasiga asoslanib xabar berdi.
Asosiy planda Mourinyoning surati ko‘rinsada, orqa plandagi doskada uning yangi mavsum uchun taktik sxemalari aks etib qolgan. Sxemada huquqiy jihatdan Turinning “Yuventus” klubiga tegishli bo‘lgan Pol Pogbaning nomi bor. Rejaga ko‘ra Joze Pogbaga zaxira sifatida Maruan Fellainini ko‘radi.
Avvalroq Pol Pogba “Manchester Yunayted”ga 100 million yevroga tushishi mumkinligi, futbolchining o‘zi esa yiliga 13 million yevro maosh olishi mumkinligi qayd etilgandi. Biroq keyinchalik uning agenti Mino Rayola bu xabarni rad qilgan.
Izoh (0)