NATO bosh kotibi Yens Stoltenberg Turkiya prezidenti Rajab Toyyib Erdo‘g‘on bilan telefon suhbatida alyans mamlakatlarida harbiy to‘ntarishlarga o‘rin bo‘lishi mumkin emasligini ta’kidladi, deb yozadi “RBK”.
Reuters’ga yuqori mansabli turk amaldori ma’lum qilishicha, Stoltenberg Erdo‘g‘onga Turkiya hukumatining xatti-harakatlari to‘liq qo‘llab-quvvatlanishini bildirdi. Uning so‘zlariga ko‘ra, Germaniya kansleri ham 18-iyul, dushanba kuni Erdo‘g‘on bilan telefonda suhbatlashib, davlatni to‘ntarishga urinishni nomaqbul deb atadi.
18-iyul, dushanba kuni AQSh davlat kotibi Jon Kerri NATO Turkiyaning to‘ntarishga urinishdan keyingi hibsga olishlar fonida demokratik qadriyatlarga rioya qilayotgan-qilmayotganligini baholashi kerak, deb fikr bildirgan edi.
Turkiya bosh vaziri Binoli Yildirim ma’lum qilishicha, mamlakatdagi muvaffaqiyatsiz isyondan so‘ng taxminan 7,5 ming kishi qo‘lga olingan.
Izoh (0)