НАТО бош котиби Йенс Столтенберг Туркия президенти Ражаб Тоййиб Эрдўғон билан телефон суҳбатида альянс мамлакатларида ҳарбий тўнтаришларга ўрин бўлиши мумкин эмаслигини таъкидлади, деб ёзади «РБК».
Reuters’га юқори мансабли турк амалдори маълум қилишича, Столтенберг Эрдўғонга Туркия ҳукуматининг хатти-ҳаракатлари тўлиқ қўллаб-қувватланишини билдирди. Унинг сўзларига кўра, Германия канцлери ҳам 18 июль, душанба куни Эрдўғон билан телефонда суҳбатлашиб, давлатни тўнтаришга уринишни номақбул деб атади.
18 июль, душанба куни АҚШ давлат котиби Жон Керри НАТО Туркиянинг тўнтаришга уринишдан кейинги ҳибсга олишлар фонида демократик қадриятларга риоя қилаётган-қилмаётганлигини баҳолаши керак, деб фикр билдирган эди.
Туркия бош вазири Биноли Йилдирим маълум қилишича, мамлакатдаги муваффақиятсиз исёндан сўнг тахминан 7,5 минг киши қўлга олинган.
Изоҳ (0)