Facebook’dagi “Voditeli Tashkenta (Drivers.uz)” guruhida Farg‘onada davlat raqam belgisisiz harakatlanayotgan Lacetti surati e’lon qilindi.
E’tiborli tomoni, avtomobilning davlat raqam belgisi o‘rniga boshqa lavha o‘rnatilgan bo‘lib, unga “Dima Bahromovich” (originalida — DiMa Bakhromovich) deb yozilgan.
Surat Lacetti’ning orqa tomonidan olingan. Mashinaning old raqam belgisi ham o‘zgartirilganmi-yo‘qmi, noma’lum. Mazkur fotoxabarga qoldirilgan izohda jumladan shunday deyilgan: “Borar manzili — jarima maydonchasi”.
Ma’lumot uchun, Ma’muriy javobgarlik to‘g‘risidagi kodeksning 125-moddasi 5-qismiga muvofiq, davlat raqam belgisi o‘zboshimchalik bilan yechib olingan transport vositalarini boshqarish eng kam ish haqining besh baravari (13-iyul holatiga ko‘ra — 651 200 so‘m) miqdorida jarima solinishiga sabab bo‘ladi.
Ayni vaqtda, davlat raqam belgisi yasama yoki o‘zga usullarda o‘zgartirilgan transport vositalarini, xuddi shuningdek, davlat raqam belgisi ayni shu transport vositasiga tegishli bo‘lmagan transport vositasini boshqarish eng kam ish haqining o‘n baravari (1 302 400 so‘m) so‘m miqdorida jarima solinishiga sabab bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)