2014-yildan buyon uchrashib yuradigan germaniyalik futbolchi Bastian Shvaynshtayger va jahonning sobiq birinchi raketkasi Ana Ivanovich 2016-yilga kelibgina oila qurdi.
To‘y marosimi Italiyaning Venetsiya shahrida bo‘lib o‘tdi, deb xabar berdi “TASS” Germaniyaning “Bild” nashriga asoslanib. Rasmiy nikohdan keyin yosh juftlik karetada sayr qildi, keyinroq esa suv bo‘ylab sayrga chiqdi.
“Vesti” nashri xabariga ko‘ra, oldinroq dabdabali to‘y marosimida Germaniya milliy terma jamoasi bosh murabbiyi Ioxim Lyov, “Bavariya” klubining sobiq prezidenti Uli Xeness, hujumchi Tomas Myuller va Germaniya termasining boshqa futbolchilari ishtirok etishi haqida xabarlar paydo bo‘lgandi. Nikoh marosimining o‘zi yetti yulduzli mehmonxonada o‘tkazilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)