Rossiya va Niderlandiya tergovchilari Malayziyaning Boeing 777 samolyoti halokatiga oid jinoiy ish doirasida uchrashdi
Rossiya Tergov qo‘mitasi va Bosh prokuraturasi xodimlari Niderlandiya milliy prokuraturasi vakillari bilan sharqiy Ukrainada 2014-yil 17-iyulda Malayziyaning Boeing 777 samolyoti qulashi bilan bog‘liq ish doirasida uchrashuv o‘tkazdi. Bu haqda qo‘mitaning rasmiy vakili Vladimir Markin ma’lum qildi, deya xabar beradi “RBK”.
Markinning ta’kidlashicha, “qo‘mita vakillari yana bir bor mazkur ish bo‘yicha xalqaro jinoiy tergovga har qanday yordam ko‘rsatishga to‘liq tayyor ekanliklari”ni tasdiqladi. Shu bilan birga, niderlandiyalik tergovchilar rossiyalik hamkasblari bilan tekshiruvni tezlashtirishga ko‘mak berishi mumkin bo‘lgan ayrim ma’lumotlar bilan bo‘lishishni istamayotganligidan nolidi.
Qo‘mita rossiyalik tergovchilar tomonidan to‘plangan materiallar Malayziyaning Boeing 777 samolyoti qulashi tafsilotlari va sabablarini aniqlashga munosib hissa qo‘shishiga umid bildirgan.
