2-iyuldan e’tiboran UzReport TV ikki tilli sport sharhini UzDigital TV platformasida ishga tushirdi. Bu haqda telekanalning rasmiy sayti orqali xabar qilindi.
Endilikda UzDigital TV abonentlari UzReport TV telekanali orqali Yevro–2016 bahslarini ikki tilda tomosha qilishi mumkin, bunda ikki ovoz qatoridan birini tanlash kerak bo‘ladi.
“Bu imkoniyatning ishga tushirilishi UzDigital TV mutaxassislari va UzReport TV telekanalining yaqin hamkorligi tufayli mumkin bo‘ldi”, — deyiladi xabarnomada.
Eslatib o‘tamiz, UzReport TV o‘zbek televideniyesi tarixida birinchi marta futbol o‘yinlari sharhlarini bir paytning o‘zida o‘zbek va rus tillarida namoyish eta boshlagan edi. Bugungi kunga qadar bu funksiyadan sun’iy yo‘ldosh antennalari egalari hamda “Uzbektelekom” AKning “Telekom TV” IPTV servisi abonentlari foydalanishi mumkin edi.
Yevro–2016 o‘yinlarini o‘zbek tilida Davron Fayziyev, Sanjar Rizayev va Yoqubjon Bobojonov, shuningdek, aktyor Alisher Uzoqov sharhlamoqda. Rus tilli sharhni Rossiyaning “Match TV” telekanali sharhlovchisi Aleksandr Yelagin amalga oshirmoqda.
Izoh (0)