BMT bosh kotibi Pan Gi Mun Buyuk Britaniya aholisining 23-iyun, payshanba kungi referendumda qabul qilgan, mamlakatning Yevropa Ittifoqidan chiqishi haqidagi qarorini hurmat qilish lozimligini aytdi. Bu haqda bosh kotibning 26-iyun, yakshanba kuni Journal du Dimanche gazetasiga bergan intervyusiga tayanib, “Vedomosti” ma’lum qildi.
“Men birdamlik foydasiga tanlov g‘alaba qozonadi deb umid qilgandim. Biroq biz Birlashgan Qirollikdagi eng keskin debatlarning guvohi bo‘ldik. Uning natijasi bo‘yicha britaniyaliklar o‘z tanlovini amalga oshirdi va biz uni hurmat qilishimiz kerak”, — ta’kidladi bosh kotib.
U, shuningdek, Buyuk Britaniya Yevropa Ittifoqi tarkibidan chiqish jarayoniga Lissabon kelishuvining 50-moddasiga muvofiq kirishishi lozimligini ta’kidladi.
“Britaniyaliklar ularni kutayotgan qiyinchiliklarni yenga olishiga umid qilaman”, — qo‘shimcha qildi Pan Gi Mun.
Izoh (0)