Meksikaning Kuliakan shahrida 20 nafar odamning jasadi topildi, ulardan besh nafari boshsiz bo‘lgan. Bu haqda Fox News xabar berdi.
Shahar tashqarisiga olib chiquvchi avtomagistral ko‘prigida osilgan holda to‘rt jasad aniqlangan. Ularning boshlari yaqin atrofda, polietilen paket ichidan topilgan. Xuddi shu kuni avtomagistralda oq furgon ichida yana 16 jasad aniqlangan.
Ular o‘qotar quroldan halok bo‘lgan va biri boshsiz bo‘lgan. Rasmiylar furgon ichidan narkokartellardan biriga tegishli bo‘lishi mumkin bo‘lgan xatni ham topgan. Ammo uning mazmuni oshkor qilinmagan.
Taxminan 1 million aholiga ega bo‘lgan Kuliakan shahri G‘arbiy Meksikadagi Sinaloa shtatining poytaxti hisoblanadi. Bu yerda Sinaloa narkokartelining ikki raqib guruhi — Los Chapitos va La Mayiza — o‘rtasida hududiy nazorat uchun to‘qnashuvlar davom etmoqda.
30-iyun kuni Meksika rasmiylari bu dahshatli qotilliklarni qat’iy qoralagan. Biroq ko‘plab sinaloaliklar hukumat endi zo‘ravonlikni jilovlay olmayotganini ta’kidlagan.
Sinaloada to‘liq tinchlikni tiklash maqsadida harbiy va politsiya kuchlari birgalikda ishlamoqda, dedi hukumati vakili Felisiano Kastro.
Izoh (0)