“Kalmar o‘yini”ning yangi mavsumidagi har bir sahnada yashirin ishoralar mavjud. Aslida ko‘rsatmalar hamma joyda bor edi — devorlarda, kiyimlarda, tasodifiy so‘zlarda. Biroq o‘yinchilar va tomoshabinlardan qaysi biri ularning ma’nosini tushuna olardi?
Devorlardagi yozuvlar
Birinchi mavsumda bo‘lgani kabi bu safar ham devorlarda yashirin ma’lumotlarni ko‘rish mumkin. Faqat bu gal o‘yinlarga ishora emas, balki ogohlantiruvchi yozuvlar edi.
Lotin yozuvidagi Hodie mihi va uning qarama-qarshi devordagi davomi Cras tibi — “Bugun menga, ertaga senga” degan ma’noni anglatadi. O‘rta asr qabrtoshlaridan olingan bu oddiy ibora, barcha o‘limga mahkumligini eslatadi.
Ramziy ma’nosi shundaki, o‘yinchilar yana bir xavfli o‘yindan omon qaytganlarida bu yozuv ko‘zga tashlanadi.
Devorlarga yana nimalar yozilgan?
Endi devordagi koreyscha iboraga e’tibor bering: 사람 조심 바보 - “Odamlardan ehtiyot bo‘l, ahmoq”. Ki Xun buni oldinroq payqaganida, ehtimol, o‘zgargan Boshlovchiga ishonmagan bo‘lardi.
Tug‘ilishning ramziy sahnasi
222-chi chaqaloqning dunyoga kelish onlari, qonli bekinmachoq o‘yini paytida sharsharalar tasvirlangan xonada kechadi. Bu shunchaki rasmlar deb o‘ylaysizmi? Yo‘q, homila suvlariga ishora. Tashqariga chiqish eshigi ham bejiz qonli kaftlar izi bilan qoplanmagan.
“Biz tomoshabinlar hayotning qisqaligini va sodir bo‘layotgan voqealarning bema’niligini his qilishlarini xohladik. Bu hayotga mahkam yopishishga uringan, ammo buni uddalay olmagan odamlarning izlari”, deydi shou-rannerlardan biri.
Ijodkorlarning shafqatsiz hazillari
Uchinchi mavsumda ijodkorlar hatto kinoya qilishda ham ayab o‘tirmaydi. “Xavfsizlik har narsadan ustun” yozuvi bor xonada o‘yinchilar arqonchadan sakrolmay, jarlikka qulaydi.
Avvalgi mavsumlarda 456-raqamli kiyim kurash ramzi edi, endi esa himoyani ifodalayapti. Bu safar u bola ustiga yopilgan. 456-raqamli o‘yinchi endi oddiy ishtirokchi emas. U o‘zining shunchaki garovga tiksa bo‘ladigan ot emas, balki inson ekanini eslayotgan so‘nggi kishidir.
Qo‘shimcha ma’lumot sifatida: 222-raqamli bola 45,6 milliard koreys voni taxminan 25 mln 500 ming dollarga teng pul yutib oladi. Bu mablag‘ farovon hayot kechirish, hatto farzandlarga ham qoldirish uchun yetadi. Shunday qilib, ona garchi aqlsizlik qilgan bo‘lsa-da, bilvosita qizining kelajagini ta’minladi.
Izoh (0)