БМТ бош котиби Пан Ги Мун Буюк Британия аҳолисининг 23 июнь, пайшанба кунги референдумда қабул қилган, мамлакатнинг Европа Иттифоқидан чиқиши ҳақидаги қарорини ҳурмат қилиш лозимлигини айтди. Бу ҳақда бош котибнинг 26 июнь, якшанба куни Journal du Dimanche газетасига берган интервьюсига таяниб, «Ведомости» маълум қилди.
«Мен бирдамлик фойдасига танлов ғалаба қозонади деб умид қилгандим. Бироқ биз Бирлашган Қиролликдаги энг кескин дебатларнинг гувоҳи бўлдик. Унинг натижаси бўйича британияликлар ўз танловини амалга оширди ва биз уни ҳурмат қилишимиз керак», — таъкидлади бош котиб.
У, шунингдек, Буюк Британия Европа Иттифоқи таркибидан чиқиш жараёнига Лиссабон келишувининг 50-моддасига мувофиқ киришиши лозимлигини таъкидлади.
«Британияликлар уларни кутаётган қийинчиликларни енга олишига умид қиламан», — қўшимча қилди Пан Ги Мун.
Изоҳ (0)