Xitoylik erkak “dafn” etilganidan so‘ng uch yil o‘tib uyiga qaytib keldi

Xitoylik Ma Sisyan ismli erkakning oilasi, dafn marosimidan uch yil o‘tib, uning aslida tirik ekanligini bilib qoldi. Voqeani Metro nashriga tayangan holda “Vesti.ru” bayon qildi.

Aytilishicha, 2009-yilda Xengan shahrida istiqomat qiluvchi aqli noqis erkak bedarak yo‘qolgan. Bir muddatdan so‘ng qarindoshlariga uni mashina urib ketgani xabar qilingan. Ammo uch yildan so‘ng sud-tibbiyot ekspertizasi yanglishgani ma’lum bo‘lgan.

Huquq-tartibot organlari vakillari uni 2012-yilga qadar qidirgan. Qarindoshlari Ma Sisyanning dafn marosimini o‘tkazgan. Ammo, uch yil o‘tib, qarindoshlariga ekspertlar yo‘l qo‘ygan xato haqida ma’lum qilingan.

Bir muddatdan so‘ng erkak topildi. U yillar davomida shu atrofdagi nolegal fabrikalardan birida ishlab kelgani aniqlandi.

Ayni paytda tegishli tashkilotlar uning o‘rniga kim dafn etilganini aniqlashga urinmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.