Buyuk Britaniya bosh vaziri Devid Kemeron mamlakatning Yevropa Ittifoqidagi a’zoligi masalasida o‘tkazilayotgan referendumda ovoz berdi. U London markazidagi saylov uchastkasiga turmush o‘rtog‘i Samanta hamrohligida keldi, deya xabar beradi “TASS”.
Yevroittifoq bilan munosabat masalasida referendum o‘tkazish g‘oyasi Kemeronning o‘ziga tegishli. U 2013-yili, parlament saylovi kampaniyasi avj olgan paytda o‘zi tomonga yevrotanqidchilarni jalb etish va Birlashgan Qirollik mustaqilligi partiyasi (UKIP) obro‘si oshib borishiga chek qo‘yish maqsadida shunday qaltis va’da bergandi.
Vaziyatning chigalligi shundaki, bosh vazirning o‘zi Yevroittifoq bilan munosabatlar uzilishiga qarshi: Kemeron shu yil fevralida Bryussel bilan mamlakatning Yevropa Ittifoqidagi a’zoligining alohida shartlarini kelishib olgandi.
Izoh (0)