Tojikiston prezidenti Emomali Rahmon Xitoyning Janubiy Xitoy dengizidagi bahsli hududlar masalasida tutgan yo‘lini qo‘llab-quvvatlaydi. Bu haqda u ShHT Toshkent sammiti doirasida 23-iyun, payshanba kuni Xitoy rahbari Si Szinpin bilan o‘tkazilgan muzokaralari chog‘ida ma’lum qildi, deya xabar beradi “TASS”.
“Pekinning Janubiy Xitoy dengizi masalasida tutgan yo‘lini tushunishim va to‘liq qo‘llab-quvvatlashimni bildiraman. Mazkur muammoga keng tus berishga qaratilgan istalgan sa’y-harakatlarga qarshiman”, — deya ta’kidlagan Tojikiston prezidenti.
Ma’lumot uchun, Xitoy o‘nlab yillar davomida Janubiy Xitoy dengizidagi bir qator orollarning hududiy mansubligi masalasida bir necha mamlakatlar, jumladan, Vyetnam, Bruney, Malayziya va Filippin bilan bahs olib bormoqda. Ushbu mintaqada uglevodorodlarning salmoqli zaxiralari aniqlangan, shuningdek, bu yerdan muhim dengiz savdo yo‘llari o‘tadi.
Izoh (0)