Hindiston, Pokiston va Eronning Shanxay hamkorlik tashkilotiga qabul qilinishi Yevrosiyo iqtisodiy makoni rivojlanishida muhim bosqich bo‘ladi. Bu haqda Qozog‘iston prezidenti Nursulton Nazarboyev ma’lum qildi, deya xabar beradi “TASS”.
“Shanxay hamkorlik tashkiloti Yevrosiyo hududidagi o‘ta muhim tashkilot. Hozir uning uchun o‘ta muhim bosqich — Toshkentda Hindiston va Pokistonni a’zolikka qabul qilamiz. Navbatda esa Eronning tashkilotga kirish masalasining ko‘rib chiqilishi. Bu davr oldimizga qo‘yayotgan chaqiriqlarga javobdir”, — deya ta’kidlagan Nazarboyev “TASS” bosh direktorining birinchi o‘rinbosari Mixail Gusmanga bergan intervyusida.
Nazarboyevga ko‘ra, AQSh sa’y-harakatlari bilan Tinch okeani va Transatlantika mintaqasida erkin savdo hududi tuzilishi ehtimoli bunga muqobil tarzda Yevrosiyoda davlatlarning iqtisodiy bloki shakllantirilishini taqozo etadi.
“Agar AQSh Tinch okeani va Transatlantika mintaqasida erkin savdo hududini tuzsa, biz o‘rtada qolib ketamiz. Shu sababli bu yerda uchinchi iqtisodiy hamjamiyat, ulkan va o‘ta muhim bo‘lgan uchinchi uyushma paydo bo‘lmoqda”, — deya ma’lum qilgan Qozog‘iston prezidenti.
Izoh (0)