Janubiy Koreya harbiylari KXDR tomonidan sutka mobaynida ikkinchi bor raketa uchirilishi haqida ma’lum qildi. Bu haqda “Kommersant” xabar bermoqda.
“Shimoliy Koreya 22-iyun, chorshanba kuni ertalabki 8:05 da o‘rta masofaga yetib boradigan ‘Musudan’ ballistik raketasi ekanligi taxmin qilinayotgan raketaning qo‘shimcha uchirilishini amalga oshirdi”, — deya ta’kidlagan Koreya Respublikasi qurolli kuchlari shtab boshliqlari qo‘mitasi vakili.
Seuldagi hukumat manbalariga ko‘ra, KXDR ballistik raketasi 150—160 kilometr masofaga uchib borgan va havoda portlab, bir necha qismga bo‘linib ketgan. Raketaning bundan oldingi, tunda bo‘lib o‘tgan birinchi uchirilishi ham muvaffaqiyatsiz yakunlangandi.
Izoh (0)