2016 йил 25 май куни Ўзбекистон Республикаси Президенти «2016—2017-ўқув йилида Ўзбекистон Республикасининг олий таълим муассасаларига ўқишга қабул қилиш тўғрисида»ги қарорга имзо чекди. Ҳуқуқшунос Хушнудбек Худайбердиев ўз блогида ОТМларга қабул квоталари қандай ўзгарганини таҳлил қилиб чиқди.
Президент қарорида таъкидланишича, иқтисодиёт тармоқлари ва секторларининг олий маълумотли мутахассислар билан амалда таъминланганлигини экспертизадан ўтказиб баҳолаш натижаларига кўра бакалавриат тайёрлашнинг 18 та янги мутахассислиги жорий этилишини назарда тутувчи олий таълим йўналишлари ва мутахассисликлари рўйхатига тегишли ўзгартиришлар киритилди.
Жорий йилдаги олий таълим муассасаларига талабаларни қабул қилиш квотасига кўра, бакалавр таълим йўналишига 57 907 нафар талаба қабул қилинади. Шуларнинг 19 120 нафари давлат грантида ва 38 787 нафари тўлов-контракт бўйича таҳсил олади. Ўтган йил билан солиштирсак, умумий қабул квоталар сони бўйича ўзгариш кузатилмаган.
Қабул квотаси сони бўйича ОТМлар рейтинги қуйидаги кўринишда бўлди (бакалавр учун):
Тошкент ахборот технологиялари университети (филиаллари билан) — 2515 нафарТошкент давлат техника университети — 2330 нафарТошкент давлат аграр университети (филиали билан) — 1960 нафарҚорақалпоқ давлат университети — 1894 нафарТермиз давлат университети — 1842 нафар
Ўтган йилги билан солиштирсак, Термиз давлат университетига 180 та ўрин қўшилиши эвазига, кучли бешликка киришга муваффақ бўлган.
Шунингдек, жорий йилги квоталарни ўтган йилги билан солиштирсак, ОТМлар кесимида ўзгаришлар мавжуд. Хусусан, 10 та ОТМда квоталар ўтган йилгига қараганда камайган, 21 та ОТМда квоталар сони кўпайган, 44 та ОТМда эса ўзгаришсиз қолган.
Қабул квотаси сони ўтган йилгига нисбатан камайган ОТМлар рейтинги қуйидагича кўриниш олди:
Тошкент давлат педагогика университети — 520 нафарга;Наманган муҳандислик-педагогика институти — 105 нафарга;Тошкент давлат техника университети — 75 нафарга;Ўзбекистон миллий университети — 66 нафарга;Жиззах политехника институти — 30 нафарга;Тошкент молия институти — 25 нафарга;Тошкент тўқимачилик ва енгил саноат институти — 25 нафарга;Тошкент давлат иқтисодиёт университети — 10 нафарга;Тошкент кимё-технология институти — 5 нафарга;Ўзбекистон давлат консерваторияси — 1 нафарга.
Қабул квотаси сони ўтган йилгига нисбатан кўпайган ОТМлар рейтинги қуйидагича кўриниш олди:
Термиз давлат университети — 180 нафарга;Қарши давлат университети — 115 нафарга;Жиззах давлат педагогика институти — 80 нафарга;Тошкент тиббиёт академияси — 60 нафарга;Нукус давлат педагогика институти — 47 нафарга.
Қабул квоталари республика ОТМлари бўйича қандай тақсимлангани ҳақида батафсил Xushnudbek.uz сайтида хабардор бўлишингиз мумкин.
Изоҳ (0)