Eron harbiylari mamlakat shimoli-g‘arbidagi to‘qnashuvlar davomida 12 jangarini yo‘q qildi. Bu haqda Eron islom inqilobi muhofizlari korpusi quruqlik qo‘shinlari qo‘mondoni Muhammad Pakpur bayonot berdi, deb yozmoqda “RIA Novosti”.
“Kecha jangarilarning ikki guruhi kirib kelganidan so‘ng... quruqlik qo‘shinlari muvaffaqiyatli operatsiya o‘tkazib, 12 terrorchini yo‘q qila oldi”, — dedi u Tasnim agentligi bilan suhbatda.
To‘qnashuvlar 15-iyun, chorshanba kechasi Iroq chegarasi yaqinida sodir bo‘ldi. Ularda uch harbiy halok bo‘ldi.
Izoh (0)