Yevropaning Arte madaniyat telekanali O‘zbekistondagi noyob tarixiy-madaniy meroslar haqida “Ipak yo‘li bo‘ylab sayohat” nomli hujjatli film tayyorladi, deb xabar bermoqda “Jahon” axborot agentligi.
Ikki qismdan iborat ushbu hujjatli film nemis va fransuz tillarida efirga uzatadigan ommabop Arte madaniyat telekanali orqali namoyish etildi. O‘tgan yili suratga olingan va qariyb ellik daqiqadan iborat hujjatli film Kelvinfilm kinokompaniyasi guruhining O‘zbekiston bo‘ylab ijodiy safarining mahsuli sifatida dunyo yuzini ko‘rdi.
Samarqand, Buxoro, Xiva, Nukus va Toshkent shaharlarida suratga olish ishlarini amalga oshirgan film mualliflari nemis teletomoshabinlarini O‘zbekiston xalqlarining tarixi, madaniyati, an’analari hamda O‘zbekistonda joylashgan go‘zal va mahobatli tarixiy shaharlar bilan yaqindan tanishtirgan.
Izoh (0)