Европанинг Arte маданият телеканали Ўзбекистондаги ноёб тарихий-маданий мерослар ҳақида «Ипак йўли бўйлаб саёҳат» номли ҳужжатли фильм тайёрлади, деб хабар бермоқда «Жаҳон» ахборот агентлиги.
Икки қисмдан иборат ушбу ҳужжатли фильм немис ва француз тилларида эфирга узатадиган оммабоп Arte маданият телеканали орқали намойиш этилди. Ўтган йили суратга олинган ва қарийб эллик дақиқадан иборат ҳужжатли фильм Kelvinfilm кинокомпанияси гуруҳининг Ўзбекистон бўйлаб ижодий сафарининг маҳсули сифатида дунё юзини кўрди.
Самарқанд, Бухоро, Хива, Нукус ва Тошкент шаҳарларида суратга олиш ишларини амалга оширган фильм муаллифлари немис телетомошабинларини Ўзбекистон халқларининг тарихи, маданияти, анъаналари ҳамда Ўзбекистонда жойлашган гўзал ва маҳобатли тарихий шаҳарлар билан яқиндан таништирган.
Изоҳ (0)