Facebook ijtimoiy tarmog‘i 7-iyuldan e’tiboran, agarda foydalanuvchilar yangi Moments dasturini qo‘llamasa, mobil uskunalardan sinxronlashtirilgan fotosuratlarni egalarini ogohlantirmasdan o‘chirib tashlaydi. Bu haqda, PhoneArena nashriga asoslanib, “Korrespondent.net” xabar bermoqda.
Ilgariroq bunday fotosuratlar yuqorida tilga olingan dasturga joylashtirilgan edi. Ushbu dastur fotosuratlarni tartibga solish hamda ularni telefonlar orqali bo‘lishish, Facebook’dagi fotosuratlarni ko‘chirib olish va o‘chirish imkoniyatini beradi.
Moments dasturini App Store va Google Play do‘konlaridan ko‘chirib olish mumkin. Sinxronlashtirilgan fotosuratlarni esa Facebook’dagi sahifadan kompyuterga ko‘chirish lozim bo‘ladi.
Agar foydalanuvchi Moments’ni o‘rnatib, sinxronlashtirilgan fotosuratlarni kompyuterga ko‘chirib olmasa, ular 7-iyul kuni o‘chirib tashlanadi. Bu foydalanuvchi Facebook’da ulashgan foto va videomateriallarga ta’sir ko‘rsatmaydi.
Izoh (0)