Facebook ижтимоий тармоғи 7 июлдан эътиборан, агарда фойдаланувчилар янги Moments дастурини қўлламаса, мобил ускуналардан синхронлаштирилган фотосуратларни эгаларини огоҳлантирмасдан ўчириб ташлайди. Бу ҳақда, PhoneArena нашрига асосланиб, «Корреспондент.net» хабар бермоқда.
Илгарироқ бундай фотосуратлар юқорида тилга олинган дастурга жойлаштирилган эди. Ушбу дастур фотосуратларни тартибга солиш ҳамда уларни телефонлар орқали бўлишиш, Facebook’даги фотосуратларни кўчириб олиш ва ўчириш имкониятини беради.
Moments дастурини App Store ва Google Play дўконларидан кўчириб олиш мумкин. Синхронлаштирилган фотосуратларни эса Facebook’даги саҳифадан компьютерга кўчириш лозим бўлади.
Агар фойдаланувчи Moments’ни ўрнатиб, синхронлаштирилган фотосуратларни компьютерга кўчириб олмаса, улар 7 июль куни ўчириб ташланади. Бу фойдаланувчи Facebook’да улашган фото ва видеоматериалларга таъсир кўрсатмайди.
Изоҳ (0)