Qutqaruvchilar 5-iyun, yakshanba kuni tog‘larda g‘oyib bo‘lgan bir motorli kichik samolyot va uning uch yo‘lovchisini topishga muvaffaq bo‘ldi. Bu haqda, CTV telekanaliga asoslanib, “TASS” xabar bermoqda.
Havo kemasi Britaniya Kolumbiyasi provinsiyasining eng yirik shahri — Vankuverdan shimolroqdagi Indian Arm fyordi yaqinida radarlardan g‘oyib bo‘lgan edi. Mahalliy aholi vakillaridan birining ko‘magi tufayli qutqaruvchilar halokatga uchraganlarni topa oldi.
Voqea joyiga yetib kelgan qutqaruvchilar qulagan bort qoldiqlariga duch keldi. Yo‘lovchilar sog‘-omon bo‘lib, vaqtinchalik boshpanada jon saqlayotgan ekan.
Ayni paytda Kanada transport xavfsizligi kengashi voqea yuzasidan surishtiruv olib bormoqda.
Izoh (0)