7-iyunning e’tiborga molik yangiliklari — “Daryo”ning kechki dayjestida.
1. Aqto‘bedagi teraktlar qurbonlari soni 7 kishiga yetdi. Qozog‘iston Ichki ishlar vazirligidan ma’lum qilishlaricha, 13 nafar jangari yo‘q qilingan.
2. Asad butun Suriya hududida o‘z nazoratini tiklashga va’da berdi. “Damashq g‘olib bo‘lishi lozim, buning muqobili yo‘q”, — dedi Suriya prezidenti.
3. Samarqandda avtobus konduktorlari qaytim uchun 100 so‘mliklar bilan ta’minlanadi. “Samarqandtransmarkazi”da avtobus haydovchilari va konduktorlar bilan bog‘liq masalalar muhokama qilindi.
4. BuzzFeed Trampning reklamasini joylashtirishdan bosh tortdi va 1,3 million dollarlik shartnomani bekor qildi. “Biz sog‘lig‘imiz uchun xavfli bo‘lganligidan tamaki reklamasini joylashtirmaymiz. Trampning reklama roligini ham aynan shu sababga ko‘ra joylashtirmaymiz”.
5. Samvel Babayanning g‘alabali yurishiga Kanada yakun yasab berdi. “Daryo” mazkur uchrashuvdan matnli onlayn uyushtirdi — bu o‘yin “Sport” telekanali orqali jonli ko‘rsatilishiga ko‘pchilik ishonmagan edi.
Izoh (0)