Alisher Navoiy nomidagi O‘zbekiston Milliy kutubxonasida “Kamolot” yoshlar ijtimoiy harakati markaziy kengashi tomonidan atoqli rus shoiri Aleksandr Pushkin tavalludining 217-yilligiga bag‘ishlangan onlayn muloqot bo‘lib o‘tdi, deb yozadi O‘zA.
– Jahon adabiyotida Pushkin merosi muhim o‘rinni egallaydi, – deydi Toshkentdagi 5-umumta’lim maktabining rus tili o‘qituvchisi Feruza Xudoyorova. – Vatanga, xalqqa, odamlarga cheksiz muhabbat tuyg‘ulari bois shoir she’rlari kitobxonlar qalbiga mudom muhrlanib qolgan.
Tadbirda o‘quvchi-yoshlar Pushkin hayoti, faoliyati, ijodiy merosiga oid o‘zlarini qiziqtirgan savollarga javob oldi. Onlayn muloqot doirasida shoir ijodiga bag‘ishlangan kitoblar ko‘rgazmasi tashkil etildi.
Izoh (0)