NATO bosh kotibi Rossiya va muhojirlik inqirozi alyans uchun asosiy tahdid ekanligini ma’lum qildi

NATO bosh kotibi Yens Stoltenberg Polshada 8—9-iyul kunlari bo‘lib o‘tadigan alyans sammitiga tayyorgarlikni muhokama etish uchun ikki kun davomida Varshavada bo‘ldi. Bu haqda “TASS” xabar bermoqda.

“Sammit NATO ham sharq, ham janubda misli ko‘rilmagan qarshiliklarga duch kelayotgan paytda o‘tkazilishi”ni ta’kidlagan Stoltenberg tuzilma uchun asosiy tahdid sifatida Rossiya va muhojirlar bilan bog‘liq inqirozni ko‘rsatgan.

Stoltenberg alyans Ukraina, Moldaviya, Gruziya, Iroq, Iordaniya va Tunisni qo‘llab-quvvatlashda davom etishini bildirdi, biroq Varshavadagi sammitda qabul qilinadigan qarorlarga oydinlik kiritmadi. Bosh kotibning aytishicha, ularning muhokamasi davom etmoqda.