Hindistonlik qariya og‘ziga 500 ta somonchani sig‘dirish uchun tishlarini olib tashladi

Hindistonning Nyu-Deli shahrida yashovchi Xar Parkash Rishi o‘z og‘ziga bir vaqtning o‘zida 500 ta somoncha (idishdan suyuqlik ichish uchun mo‘ljallangan, somonchaga o‘xshash buyum) va 50 dan ortiq yonayotgan shamni sig‘dirib, jahon rekordini o‘rnatdi, deb yozadi The Huffington Post. Buning uchun erkak oldindan barcha tishlarini oldirib tashlashiga to‘g‘ri keldi.

74 yoshli Rishining yutug‘i Ginnesning Rekordlar kitobi vakillari tomonidan qayd etilgan. Shu bilan bir vaqtda hindistonlik badaniga turli davlat bayroqlari ko‘rinishidagi 366 ta tatuirovka tushirib, yana bir rekord o‘rnatdi.

Bundan tashqari, erkak Ginnesning Rekordlar kitobiga kiritilgan yana 20 dan ortiq rekordlar muallifi hisoblanadi. Rishi tashkilot e’tiboriga ilk marotaba 1990-yilda tushgan edi, o‘shanda u do‘stlari bilan skuterlarda 1001 soat uzluksiz uchgan edi.

Endi rekordchi tanasiga dunyo yetakchilari portretlarini maksimal miqdorda chizdirish orqali, navbatdagi rekordini o‘rnatish niyatida.