Turin politexnika universitetida karyera kuni o‘tkazildi

Toshkentdagi Turin politexnika universitetida an’anaga aylangan navbatdagi  karyera kuni o‘tkazildi, deya xabar bermoqda “O‘zavtosanoat” AK axborot xizmati.

Bunday tadbir universitet bitiruvchilarini yirik ish beruvchilar bilan tanishtirish maqsadida har yili o‘tkaziladi. Unda  korxona va tashkilotlar vakillari  universitet bitiruvchilari bilan  dastlabki  suhbatni o‘tkazadi va ularni ishga taklif qiladi.

Bu yilgi tadbirda  “O‘zavtosanoat” AK  va General Motors Powertrain-Uzbekistan, UzEraeAlternator, UzHanvoo,  UzChasys  qo‘shma korxonalari,  hamda UzAuto Trailer, Orient Concept mas’uliyati cheklangan jamiyatlari, “O‘zenergosozlash”, “Toshkent issiqlik elektr stansiyasi” unitar korxonalari  kabi yirik mahalliy tashkilot va birlashmalar vakillari ishtirok etdi.

Tadbir davomida ko‘plab bitiruvchilar  o‘zlari  xohlagan tashkilot va korxonalarda  ish faoliyatini boshlashi uchun dastlabki suhbatlardan muvaffaqiyatli o‘tdi.