AQSh sobiq davlat kotibi Hillari Klinton AQSh prezidentligiga Respublikachilar partiyasidan da’vogar Donald Trampning g‘oyalari va siyosiy qarashlari AQSh uchun xavfli ekanligini aytdi, deb yozadi “Kommersant”.
“Mening fikrimcha, uning aytayotgan gaplari, uning nomzodining o‘zi mamlakatimiz uchun xavf yaratadi”, — dedi Klinton NBC telekanaliga bergan intervyusida.
“U aqli raso nomzod emas. U bizning eng yaqin ittifoqdoshimiz — Buyuk Britaniyaga ta’na-malomatlar qilib chiqadi, Shimoliy Koreyaning xavfli diktatorini maqtaydi, AQShning NATOdan chiqishini yoqlab gapiradi, boshqa mamlakatlarga yadro quroliga ega bo‘lish imkonini berish kerakligini aytadi, qiynoqlarni qaytarish va, hatto, terrorizmda gumonlanayotganlarning oilalarini o‘ldirishni yoqlab chiqadi. Bularning barchasi bevosita xavfga ega”, — deya aniqlik kiritdi sobiq bosh kotib, AQSh prezidentligiga Demokratik partiyadan da’vogar Hillari Klinton.
Izoh (0)