Polsha prezidenti Anjey Duda ko‘chalar, binolar va shu kabi jamoat obyektlari nomlarida kommunizm yoki boshqa totalitar tuzum targ‘ibotini taqiqlovchi qonunni imzoladi. Bu haqda “Kommersant” xabar bermoqda.
Qonunga izohda bildirilishicha, jamoat obyektlari, jumladan, ko‘cha, yo‘l, ko‘prik va maydonlar nomlarida kommunizm yoki boshqa totalitar tuzum ramzi bo‘lgan shaxslar, tashkilotlar, hodisalar va sanalar abadiylashtirilishi, shu tariqa ularni targ‘ib qilinishi mumkin emas. Bunda “Polshada 1944–1989-yillardagi repressiv, avtoritar va mustaqil bo‘lmagan hokimiyat tizimini anglatuvchi nomlanishlar” ham nazarda tutilgan.
Qonun talablarini bajarish uchun bir yil muddat berilgan. Bu vaqt mobaynida mahalliy o‘z-o‘zini boshqarish organlari qonunga to‘g‘ri kelmaydigan joy nomlarini o‘zgartirishi lozim. Hujjat chop etilganidan uch oy o‘tib kuchga kiradi.
Izoh (0)