Россия Кувайтга Совет Иттифоқи қарзи — 1,1 миллиард доллар асосий қарз ва 620 миллион доллар ҳисобланган фоизларни тўлиқ тўлаб берди. Бу ҳақда «РБК» хабар бермоқда.
Қарздорлик 26 апрелда тўлаб берилган, бироқ Россия молия вазирлиги бу ҳақда 20 май, жума кунигина маълум қилди. Вазирлик томонидан тарқатилган пресс-релизда 1,1 миллиард доллар қарздорлик маблағ воситасида, қарзга ҳисобланган фоизлар эса Россиянинг юқори технологияли маҳсулотлари билан қоплангани билдирилган. Қарздорлик шу тариқа қопланиши ҳақида икки давлат бундан ўн йил аввал келишиб олганди.
Мазкур қарз Совет Иттифоқи Внешэкономбанкига 1991 йили Кувайтнинг Foreign Trading Contracting & Investment молия корпорацияси томонидан етти йил муддатга берилган, бироқ 1998 йили Россияда рўй берган дефолт кредитни қайтариш муддати чўзилиши ва қарзнинг ортишига олиб келганди.
Изоҳ (0)