БМТ Хавфсизлик кенгаши доимий аъзоси бўлган давлатлар вакиллари Ливияга нисбатан татбиқ этилган қурол эмбаргосини қисман бекор қилиш устида ишлашга тайёр. Бу ҳақда Венада бўлиб ўтган Ливия бўйича халқаро конференция якуний коммюникесида маълум қилинган, дея хабар беради «Интерфакс».
Associated Press маълумотларига кўра, «АҚШ ва бошқа дунё давлатлари ИШИД ҳамда шу каби террорчиларга қарши туриш учун жаҳон ҳамжамияти томонидан тан олинган Ливия ҳукуматига қурол етказиб беришга тайёр. Мамлакатлар Ливияга нисбатан қурол эмбаргоси қисман бекор қилинишига интилади».
Коммюнике Хавфсизлик кенгашининг беш доимий аъзоси ва конференцияда иштирок этган 15 давлат томонидан имзоланган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)