Germaniya Bundesligasida 2015/16-yilgi mavsumga rasman yakun yasaldi

Futbol bo‘yicha Germaniya Bundesligasining 2015/16-yilgi mavsumi o‘z nihoyasiga yetdi.

• “Bavariya” ketma-ket to‘rtinchi bor Germaniya chempionligini qo‘lga kiritdi

Myunxenning “Bavariya” klubi muddatidan avval chempionlikni qo‘lga kiritganiga qaramay, so‘nggi turda ham muxlislarini xursand qildi. Elita bilan muddatidan oldinroq xayrlashgan “Gannover”ni qabul qilgan Xosep Gvardiola jamoasi 3:1 hisobida zafar quchdi. Qayd etish kerak, bu ispaniyalik mutaxassisning Bundesliga doirasidagi so‘nggi o‘yini edi.

• Xosep Gvardiola: “Bavariya”da imkon qadar barcha ishni qildim, odamlar esa istaganini gapiraversin

Chempionatni vitse-chempion sifatida yakunlagan Dortmundning “Borussiya” klubi so‘nggi turda ochko yo‘qotdi. Mavsumni 9-pog‘onada nihoyalagan “Kyoln”ga qarshi o‘yinda 2:2 hisobi qayd etildi.

Yakuniga yetayotgan mavsumda bo‘lgani kabi, kelasi mavsumda ham Chempionlar Ligasida ishtirok etuvchi “Bayer” hamda “Borussiya Myonxengladbax” klublari 3 ochkodan qo‘lga kiritdi. Natijada “Shalke” klubi kelasi mavsumni Yevropa Ligasida o‘tkazadigan bo‘ldi.

“Shalke” muxlislari so‘nggi daqiqalarga qadar Chempionlar Ligasidan umid qildi. Klub safardan yirik g‘alaba bilan qaytganiga qaramay, kuchli to‘rtlikka kira olmadi. Shuningdek, “Maynts” va “Gerta” klublari ham kelasi mavsumni Yevropa Ligasida o‘tkazadigan bo‘ldi.

Yevropa Chempionlar Ligasining chorak finaliga qadar yetib borgan, mavsum boshida Germaniya Superkubogini qo‘lga kiritgan “Volfsburg” bor yo‘g‘i 8-o‘rin bilan cheklandi. “Shtutgart” esa “Gannover”ga qo‘shilib, Bundesliga bilan xayrlashdi.

Germaniya Bundesligasi 34-tur bellashuvlari 14-may, shanba

“Bayer” — “Ingolshtadt” 3:2

Gollar: Metyu Leki, 16 (0:1). Charles Arangis, 31 (1:1). Kevin Kampl, 37 (2:1). Shtefan Kissling, 61 (3:1). Morits Xartmann, 69 (3:2).

“Bavariya” — “Gannover” 3:1

Gollar: Robert Levandovski, 12 (1:0). Mario Gyotse, 28 (2:0). Mario Gyotse, 54 (3:0). Artur Sobex, 66 (3:1).

“Borussiya Dortmund” — “Kyoln” 2:2

Gollar: Gonsalo Kastro, 11 (1:0). Antoni Modest, 27 (1:1). Milosh Yoyich, 43 (1:2). Marko Roys, 75 (2:2).

“Augsburg” — “Gamburg” 1:3

Gollar: Alfred Finnbogason, 11 (1:0). Mixael Grigorich, 36 (1:1). Nikolay Myuller, 62 (1:2). Mixael Grigorich, 74 (1:3).

“Xoffenxaym” — “Shalke” 1:4

Gollar: Klas-Yan Xuntelar, 7 (0:1). Erik Shupo-Moting, 14 (0:2). Mark Ut, 41 (1:2). Leroy Zane, 56 (1:3). Fabian Shyor, 89 (1:4).

“Maynts” — “Gerta” 0:0

“Darmshtadt” — “Borussiya Myonxengladbax” 0:2

Gollar: Torgan Azar, 31 (0:1). Andre Xan, 63 (0:2).

“Volfsburg” — “Shtutgart” 3:1

Gollar: Maksimilian Arnold, 11 (1:0). Andre Shyurrle, 29 (2:0). Danyiel Didavi, 78 (2:1). Andre Shyurrle, 90+2 (3:1).

“Verder” — “Ayntraxt” 1:0

Gol: Papi Mison Jiloboji, 88 (1:0).