“Dubay” aeroportining boshqaruvchi kompaniyasi va yer usti agenti — Dubai Airports va dnata On-Time Performance Award 2015 an’anaviy taqdirlash marosimida “Dubay” va “al-Maqtum” aeroportlari orqali reyslarni amalga oshirgan aviakompaniyalar orasidan parvozlarni o‘z vaqtida amalga oshirish bo‘yicha eng yaxshi natija ko‘rsatganlarini saralab oldi. “O‘zbekiston havo yo‘llari” milliy aviakompaniyasi 2015-yilda 200 tadan 1999 tagacha reys amalga oshirgan eng yaxshi aviatashuvchilar orasida 3-o‘rinni egalladi, deb yozadi “Anons.uz” aviakompaniya matbuot xizmatiga asoslanib.
G‘oliblarni aniqlashda 140 dan ortiq aviatashuvchilarning ko‘rsatkichlari inobatga olindi, bular orasida Azerbaijan Airlines, British Airways, Kuwait Airways, Korean Air, Lufthansa, Middle East Airlines, Singapore Airlines, “Ukraina xalqaro havo yo‘llari”, Virgin Atlantic singarilar bor. “O‘zbekiston havo yo‘llari” eng punktual — o‘z vaqtida ishlaydigan kompaniya deb topildi.
Izoh (0)