Daniya hukumati yanvar oyida Yaqin Sharq va Afrikadan muhojirlar oqimini kamaytirish uchun chegarada joriy etgan nazorat chora-tadbirlarini yana bir oyga — 2-iyunga qadar uzaytirdi. Bu haqda, Reuters agentligiga asoslanib, “TASS” xabar bermoqda.
Integratsiya, immigratsiya va boshpana taqdim etish masalalari vazirligi Shengen zonasiga kiruvchi mamlakat chegarasidagi nazorat norasmiy muhojirlar adadining keskin oshib ketishi bois zarur ekanligini ta’kidlamoqda.
Daniya politsiyasi Germaniya bilan chegarada tanlov asosida o‘tuvchilarning pasportlari va mashinasini tekshiruvdan o‘tkaza boshladi. Yanvar oyida mamlakatda barcha chetdan kirib keluvchilarga nisbatan pasport nazorati joriy etilgan edi. O‘tgan yili o‘n minglab odamlar Daniya orqali Shvetsiyaga o‘tib ketgandi, lekin endilikda qirollik mutasaddilari qochqinlar Shvetsiyada emas, Daniyada o‘rnasha boshlashidan cho‘chimoqda.
Izoh (0)