APL. “Real”ga qarshi o‘yin oldidan “Manchester Siti” mag‘lubiyat alamini totib ko‘rdi

Futbol bo‘yicha Yevropa Chempionlar Ligasining yarim finalida ishtirok etayotgan “Manchester Siti” Angliya Premyer-ligasining 36-turida mavsumdagi 10-mag‘lubiyatini qabul qilib oldi.

Chempionlar Ligasi yo‘llanmasidan umidini uzib bo‘lgan “Sautgempton” maydoniga tashrif buyurgan “shaharliklar”, 2:4 hisobida imkoniyatni boy berdi. Bellashuvda Serxio Aguero, Yaya Ture, Kevin de Bryuyne, David Silva, Fernando kabi asosiy tarkib futbolchilari ishtirok etmadi.

Ushbu mag‘lubiyat oqibatida Manuel Pellegrini shogirdlari 3-o‘ringa ko‘tarilish imkoniyatini boy berdi. 36-turdan keyin “Arsenal” 67, “Manchester Siti” 64 ochkoga ega.

2-may kuni bo‘lib o‘tadigan o‘yinda “Tottenhem” “Chelsi”ni mag‘lub etsa, “Siti” kumush medallardan ham umidini uzadi.

Ma’lumot uchun, 4-may kuni “Manchester Siti” Yevropa Chempionlar Ligasi yarim finalining javobi o‘yinida Madridning “Real” klubi mehmoni bo‘ladi.

• APL. “Lester” muddatidan avval chempion bo‘lish masalasini “Yunayted” bilan o‘yinda hal eta olmadi

“Sautgempton” — “Manchester Siti” 4:2