АПЛ. «Реал»га қарши ўйин олдидан «Манчестер Сити» мағлубият аламини тотиб кўрди

Футбол бўйича Европа Чемпионлар Лигасининг ярим финалида иштирок этаётган «Манчестер Сити» Англия Премьер-лигасининг 36-турида мавсумдаги 10-мағлубиятини қабул қилиб олди.

Чемпионлар Лигаси йўлланмасидан умидини узиб бўлган «Саутгемптон» майдонига ташриф буюрган «шаҳарликлар», 2:4 ҳисобида имкониятни бой берди. Беллашувда Серхио Агуэро, Яя Туре, Кевин де Брюйне, Давид Сильва, Фернандо каби асосий таркиб футболчилари иштирок этмади.

Ушбу мағлубият оқибатида Мануэль Пеллегрини шогирдлари 3-ўринга кўтарилиш имкониятини бой берди. 36-турдан кейин «Арсенал» 67, «Манчестер Сити» 64 очкога эга.

2 май куни бўлиб ўтадиган ўйинда «Тоттенҳэм» «Челси»ни мағлуб этса, «Сити» кумуш медаллардан ҳам умидини узади.

Маълумот учун, 4 май куни «Манчестер Сити» Европа Чемпионлар Лигаси ярим финалининг жавоби ўйинида Мадриднинг «Реал» клуби меҳмони бўлади.

• АПЛ. «Лестер» муддатидан аввал чемпион бўлиш масаласини «Юнайтед» билан ўйинда ҳал эта олмади

«Саутгемптон» — «Манчестер Сити» 4:2