AQShning Alabama shtatida yashovchi Treysi Dav ismli ayol so‘nggi o‘n yil davomida Charli laqabli kursxaar (kalta yungli nemis poynteri) zotiga mansub sevimli kuchugi butunlay yo‘qolgani va, ehtimol, nobud bo‘lganiga ishonchi komil edi, deb yozadi “Interfaks”. Biroq unga yaqinda shtatning Bryuton shahridagi veterinar klinikadan qo‘ng‘iroq qilib, iti topilganini ma’lum qilishdi.
Bu aynan Charli ekanligini aniqlashga unga bolaligidayoq implantatsiya qilingan chip yordam berdi.
Kallmen okrugidagi o‘z uyidan 400 km uzoqlikda topilgan it so‘nggi o‘n yilni qayerda o‘tkazganini hech kim bilmaydi.
G‘arib itni birinchi bo‘lib ko‘ngillilar ko‘rib qolgan, u cherkov zinasida yotgan edi. Ular Charlini klinikaga eltdi, veterinar esa chipni aniqladi.
Itning egasi o‘n yil avval kuchugini o‘g‘irlab ketgan bo‘lishlarini istisno qilmayapti, chunki kursxaar ancha qimmatbaho ov itidir.