Xitoy ilmiy-texnika universiteti olimlari odamga o‘xshash Jia Jia robotini taqdim etdi, u yosh qiz qiyofasida yaratilgan, deb yozadi “Hi-tech.mail.ru”. U odamlar bilan muloqot qila oladi va vaziyatga qarab yuz ifodasini o‘zgartira oladi.
Ishlab chiquvchilar Jia Jia robotini odamga maksimal darajada o‘xshatish uchun harakat qildi. U kishi bilan suhbatlashib, yuz ifodasini o‘zgartirishi va, hatto, hazil qilishi mumkin. Robotning lablari muloqot chog‘ida haqiqatnamo tarzda qimirlaydi, ko‘z qorachiqlari esa yorug‘likka bog‘liq ravishda o‘z o‘lchamini o‘zgartiradi.
Jia Jia o‘ziga murojaat qilinganini avtomatik tarzda anglaydi. Barcha suhbatlar ishlov berish uchun yozib olinadi va bulutli omborxonada saqlanadi.
Muhandislar jamoasi ilk prototipni yaratish ustida uch yil ishladi. Ular o‘z ixtirosini yanada mukammallashtirish niyatida. Jia Jia’ning navbatdagi versiyasi yig‘lashni va kulishni o‘rganadi, uning qo‘llari esa yanada haqiqatnamo tarzda harakatlanadi.
Izoh (0)