Rossiya chempionati 24-tur markaziy o‘yinida Moskvaning “Lokomotiv” jamoasi o‘z maydonida SSKA futbolchilariga qarshi bahs olib boradi. Poytaxt derbisi oldidan “Loko-TV” maxsus video tayyorladi.
Ushbu videoda O‘zbekiston terma jamoasi va Moskvaning “Lokomotiv” himoyachisi Vitaliy Denisov komikslardagi Tor ismli qahramon qiyofasida namoyon bo‘ldi.
“Tor – Skandinaviya mifologiyasida momaqaldiroq va unumdorlik xudosi. Mallasoqol polvon ulkan kuch va ishtahaga ega edi. U saxiy va idrokli qahramon bo‘lib, o‘zining sehrli bolg‘asi bilan yengilmas bo‘lgan. Tor qahramonini shu nomdagi filmda uning obrazini ijro etgan aktyor Kris Xemsvort orqali kino muxlislari yaxshi biladi. Vitaliy Denisovni mifologik qahramon bilan nafaqat uning tashqi ko‘rinishi, balki kuch, jasorat va saxiyligi ham birlashtirib turadi”, – deyiladi “Lokomotiv Moskva” klubi rasmiy saytida xabarida.
Qayd etish joiz, “SSKA” futbol klubi “armiyachilar” va “otlar” kabi laqablarga ega.
Ma’lumot o‘rnida,“Lokomotiv Moskva” – SSKA uchrashuvi 16-aprel, shanba kuni 17:00 da (Toshkent vaqti bilan 19:00 da) start oladi.
Izoh (0)