“Istiqlol” san’at saroyida O‘zbekistondagi oliy ta’lim muassasalari talabalari o‘rtasida o‘tkaziladigan “Quvnoqlar va zukkolar” ko‘rik-tanlovining yangi mavsumi ochildi. Bu haqda O‘zA xabar bermoqda.
Festivalda Mirzo Ulug‘bek nomidagi O‘zbekiston Milliy universitetining “Shovvozlar”, Toshkent davlat iqtisodiyot universitetining “Duv-duv gap”, O‘zbekiston davlat jahon tillari universitetining “Bolalar”, Toshkent moliya institutining “Moliyachi”, Toshkent davlat agrar universitetining “Yangi yulduzlar”, Alisher Navoiy nomidagi Samarqand davlat universitetining “Ilhom”, Nukus davlat pedagogika institutining “Turon”, Andijon qishloq xo‘jaligi institutining “Og‘alar”, Guliston davlat universitetining “Bojalar”, Jizzax davlat pedagogika institutining “Jizzaxlik jiyanlar” jamoalari qatnashdi.
– Bu festivalda ilk bora ishtirok etdik. “Istiqlol” san’at saroyida minglab tomoshabinga iste’dodimizni namoyish etish hayajonli bo‘ldi. Lekin sinovdan muvaffaqiyatli o‘tdik, endi tanlovning final bosqichlarida ishtirok etamiz, – deydi Nukus davlat pedagogika instituti talabasi Nizomidin Turemuratov.
Izoh (0)