Rostov viloyati arbitraj sudi Kerch bo‘g‘ozida qurilayotgan ko‘prik tayanchiga kelib urilgan Turkiyaning “Lira” kemasini xatladi va Taganrog porti rahbariyatiga uni qo‘yib yuborishni taqiqladi. Bu haqda Meduza xabar bermoqda.
Kema uning egasidan avariya natijasida yetkazilgan zarar miqdorini undirib olish maqsadida xatlandi.
Eslatib o‘tamiz, kema Tuzla oroli va kemalar yo‘li o‘rtasidagi 2-ishchi ko‘prik ustuniga urilgan. Buning oqibatida 80-ustun yaroqsiz holga kelgan, 79-ustunda shikastlanishlar bo‘lishi mumkin. Shuningdek, ikkita mayoq qoziqoyog‘i ishdan chiqqan, 79 va 81-ustunlar esa qiyshaygan. Kema shikastlagan ko‘prik asosiy inshoot — Kerch bo‘g‘ozini kesib o‘tadigan ko‘prik qurilishiga yuklarni yetkazish uchun yordamchi inshoot sanaladi.
“Lira” Turkuaz Shipping Corp kompaniyasiga tegishli bo‘lib, kemani Turkiya fuqarosi boshqargan. To‘qnashuv oqibatida ekipajning to‘qqiz nafar a’zosi orasida jabrlanganlar bo‘lmagani bildirilmoqda.
Izoh (0)