23-mart, chorshanba kuni Misr hukumati tarkibida bir qancha o‘zgarishlar ro‘y berdi. Yangi vazirlar mamlakat prezidenti Abdulfattoh as-Sisiy oldida qasamyod qabul qildi, shundan so‘ng davlat rahbari ular bilan yig‘ilish o‘tkazib, tegishli ko‘rsatmalar bergan, deya xabar qiladi “RIA Novosti”.
Jumladan, Egypt Air aviakompaniyasi direktorlar kengashi raisi Sharif Fathiy fuqaro aviatsiyasi, Amr al-Garihiy moliya, Muhammad Husam Abdulrahim adliya, Muhammadyahyo Rashid turizm, Dalya Xurshid investitsiyalar, Qohira gubernatori Jalol Said transport, Misr muzeyi rahbari Xolid al-Ananiy obidalar va madaniy meros, Muhammad Abd al-Aatiy suv resurslari, Muhammad Saafan mehnat resurslari vaziri etib tayinlandi. Shuningdek, yangi tuzilma — tadbirkorlik masalalari bo‘yicha vazirlik tashkil etildi va uni Ashraf ash-Sharkuiy boshqardi.
27-mart kuni Misrning yangilangan hukumati parlament deputatlariga o‘z dasturini taqdim etishi kutilmoqda.
Izoh (0)