“Neftchi” futbol klubi yangi futbolchilarni tanishtirdi

Farg‘onaning “Neftchi” futbol klubi yangi mavsum oldidan o‘z tarkibini kuchaytirish maqsadida bir qator futbolchilarni o‘z safiga qo‘shib oldi, deb xabar beradi klub matbuot xizmati.

Alisher Samatov, O‘tkir Yusupov, Sardor Eminov, Ilhom Boydedayev, Damir Nizanov, Abdurahmon Abdulhaqov, Xusniddin G‘ofurov kabi qishki yig‘in chog‘ida tarkibga qo‘shilgan yangi futbolchilar 27-fevral, shanba kuni ommaga rasman tanishtirildi.

“Qirgulidagi ‘Neftchi’ madaniyat saroyida bo‘lib o‘tgan marosimda Farg‘ona neftni qayta ishlash zavodidan Jo‘ravoy Xojaqulov, Farg‘ona futbol federatsiyasi birinchi vitse-prezidenti Tohir Kapadze, ‘Neftchi’ PFK raisi Salimjon Zokirov, jamoa bosh murabbiyi Andrey Fyodorov, ‘Neftchi’ futbolchilari, OAV vakillari hamda bir qator muxlislar ishtirok etdi”, — deyiladi “Neftchi” rasmiy saytida.