Xitoydagi mushak fabrikasida yuzaga kelgan portlash oqibatida 8 kishi halok bo‘ldi
Xitoyda mushak ishlab chiqaruvchi tashlandiq ustaxonada yuz bergan portlash oqibatida sakkiz kishi halok bo‘ldi. Yana to‘qqiz kishi yaralandi, ular shifoxonaga yotqizilgan. Bu haqda “Sinxua” agentligi ma’lumotiga asosan “Korrespondent.net” xabar bermoqda.
Hodisa 5-fevral, juma kuni Guychjou provinsiyasida sodir bo‘lgan. Machan shahrida joylashgan ustaxona binosini avval Xingxin zavodi egallab kelgan.
Ishlab chiqarishning xavfsizligini nazorat qiluvchi mahalliy davlat tashkilotining ishchilari binodan mushak ishlab chiqarishda qo‘llanuvchi materiallarning qoldiqlarini chiqarayotgan bo‘lgan. Shu paytda portlash yuz bergan.
8-fevral kuni Xitoyda Yangi yil bayramini nishonlash boshlanadi. Ushbu bayramlar oldidan ko‘pchilik zavodlar mushak ishlab chiqarishni oshiradi.
