Хитойдаги мушак фабрикасида юзага келган портлаш оқибатида 8 киши ҳалок бўлди

Хитойда мушак ишлаб чиқарувчи ташландиқ устахонада юз берган портлаш оқибатида саккиз киши ҳалок бўлди. Яна тўққиз киши яраланди, улар шифохонага ётқизилган. Бу ҳақда «Синьхуа» агентлиги маълумотига асосан «Корреспондент.net» хабар бермоқда.

Ҳодиса 5 февраль, жума куни Гуйчжоу провинциясида содир бўлган. Мачан шаҳрида жойлашган устахона биносини аввал Xingxin заводи эгаллаб келган.

Ишлаб чиқаришнинг хавфсизлигини назорат қилувчи маҳаллий давлат ташкилотининг ишчилари бинодан мушак ишлаб чиқаришда қўлланувчи материалларнинг қолдиқларини чиқараётган бўлган. Шу пайтда портлаш юз берган.

8 февраль куни Хитойда Янги йил байрамини нишонлаш бошланади. Ушбу байрамлар олдидан кўпчилик заводлар мушак ишлаб чиқаришни оширади.