Aktrisa Dilnoza Kubayeva shu kungacha barcha orzulari ro‘yobga chiqqanini ma’lum qildi. Bu haqda u O‘zDJTUda bo‘lib o‘tgan talabalar bilan uchrashuv vaqtida aytib o‘tdi.
“Haligacha birorta orzuim amalga oshmay qolmagan. Maktabda faxriy yorliq olishni, boshlovchi bo‘lishni, talabalikni, aktrisa bo‘lishni niyat qildim, barchasi amalga oshdi. Hammasining ortida halollik mujassam”, — dedi aktrisa.
Kubayevaning aytishicha, tushkunlikka tushganida yaqinlarining dalda bo‘lishi, ularning bir og‘iz shirin so‘zi, yaxshiliklari ko‘nglini ko‘taradi.
“Negadir keyingi paytda juda ko‘p tushkunlikka tushayapman. O‘tirib, o‘yga tolib qoladigan odat chiqarayapman. Hali ham optimistligim yordam beradi, o‘zimga o‘zim dalda beraman”, — deya qo‘shimcha qildi aktrisa Dilnoza Kubayeva.
Izoh (0)