“O‘zbeknavo” estrada birlashmasi Maxsus ruxsatnoma (litsenziya) beruvchi tashkiliy boshqarmasi boshlig‘i Odiljon Abduqahhorov “Daryo” nashri muxbiriga bergan intervyusida xonanda Dilfuza Ismoilovaga berilgan ogohlantirish sabablarini ma’lum qildi.
2-fevral kuni “O‘zbeknavo” estrada birlashmasi bir qator xonandalar qatori Dilfuza Ismoilovani ham ogohlantirilgani haqida e’lon qildi.
“Dilfuza Ismoilovaga nisbatan ogohlantirish e’lon qilishda, qaysidir ma’noda, uning sariq kiyimdagi suratlari ham sabab bo‘ldi. Lekin u asosan yig‘ilishlarga kelmaganligi uchun ogohlantirildi”, — deydi Odiljon Abduqahhorov.
Eslatib o‘tamiz, avvalroq Dilfuza Ismoilovaning raqslari aks etgan suratlar tarqalib ketgani ma’lum bo‘lgandi, bu masalada u boshqa bir xonanda — Ozoda Nursaidovani ayblab chiqqani haqida xabarlar paydo bo‘lgandi.
Keyinroq Ozoda Nursaidova Dilfuza Ismoilovaning suratlarini ataylab tarqatish shart emasligi, u barcha to‘ylarda bir xil raqsga tushishi haqida fikr bildirdi, shundan so‘ng Dilfuza Ismoilova Ozoda Nursaidovani ayblagani haqidagi xabarlarni rad etdi.
Izoh (0)